Har Daniëls

Efkes veursjtelle:

Ich bön Har Daniëls, geboare op 29 october 1950 in ut Katerriek te Neel .
Ich bun getrouwd mit Martha en veer woone in ut Doaleriek te Hirkebosj.
Voetballe waas miene grote hobby en ich hub es sjpeler maar auch es trainer veul plezeer hiejaan euver gehaaje.

Wie ich de voetbalsjoon veurgood aan de wilgeboum gehange haaj, kreeg ich tied veur eine angere hobby........buutte.

Ut is dan aug gein toeval det ein van mien eerste succesvolle buutte ging euver eine voetbaltrainer.

Ich bun altied werkzaam gewaes in de energiesector, dus Sjengske van ut energiebedrief waas ein buut die mich es op ut lief gesjreve sjting.

In december 2005 kreeg ich op 55-jeurige laeftied de gelaegenheid om vervreug oet te traeje.
Ich hoofde neet lang noa te dingke en vanaaf dae tied geneet ich mit volle teuge van mien vriejheid.

De letste joare is ut buutte miene enige echte hobbie gewoare, want waat is noe nach sjooner es luuj aan ut lache te bringe, éfkes los van de dagelikse zurreg………….

Eeder joar bring ich ein nuuj type:
* Michiel de Ruiter (1997)
* Sjengske geit op herhalingsoefening (1998)
* De rechter (1999)
* Dikkie d'n voetbaltrainer (3 e plaats in 2000)
* Sjengske van 't energiebedrief (3 e plaats in 2001 + Zuid-Nederlands kampioen)
* KaleHarie (2002)
* Fik d'n brandjwaermanne (2 e plaats in 2003)
* Harie bringk get nuujs (Finalebuut in 2004)
* Driekske d'n Olympiese zjwumkampioen (2005)
* Eine waarnaemend burgemeister (Finalebuut in 2006)
* Harie haet eine vogel (Finalebuut in 2007)
* Nederlands kampioen in Groenlo (2008)
* Help Nout nao de maon (Finalebuut 2009)
* Baerke d'n ober (3e plaats in 2010 in Limburg en Nederland)

 Mit vrundjtelikke groetuh…………

Har Daniëls