Math Creemers

Maag ich mich effe veurstelle;
Math Creemers inne volksmondj Matje, ben gebore in Hunsel woee ich op 12 joarige leaftied veur ut ieerst op ein podium stong oppe Boontje Oavendj. Deej doa met aan klein sketsjes en later wie ich auch nog gitaar kos speule heb ich versjillendje joare de leijing gatj euver eine groep van 5 man/vroulje en brachte kolderzang en durpspolitiek.
Ut buutte heb ich eigelik van eine klasgenoot oppe MAVO (Peter Lameriks oet Ittervoort) dae mos stroafwerk maake mer steldje veur om eine buut te bringe en de meister gaaf hiej toestumming veur. Dae buut heb ich toen auch bie-os oppe Boontje Oavendj gebrachtj.
Ein joar later sjreef mie vader eine buut veur mich en ging doa met noa de Limburgse Kampioensjappe veur de jeugd. En zoee ben ich toch in dae buut blieve hange.

Wie ich getrouwdj waas ging ich woeene in Rooj (Stramproy) woee ich al vlot ging metdoon aan de Boontje Oavendj, in allerlei kreasies heb ich doa oppe buun gestange.
De leste 13 joar as presentator van dae oavendj.
Omme paar joar bracht ich auch hiej eine buut met vul succes moog ich waal zegge.
3 joar geleeje heb ich de draod definitief opgepaktj met eine workshop biej Will Kanpen oet Nederwieert en steldje mich ten doel om binne 5 joar ins inne finale te kome vanne Groeet Limburgse Kampioensjappe.
In 2011 is dit geluktj en de resenties zeen lovendj, ut waas geweldjig om dit met te mooge make en ut smaaktj noa mieer.

Her en der in ut Limburgse landj optreaje is ut sjoeenste waat ter is en ich doon det den auch vol euvergaave. Same met collega Buuttereedners minse plezeer bringe..

Wiltj gae auch ins lekker lache, dink den ins aan mich:

Math Creemers

Eine sjoeene Vasteloavendj same……